شوية أسئلة ترفع الضغط ...!!

سلام شلونكم ؟

دى يا جماعة شوية اسئلة ترفع الضغط وتجيب السكر
بنتعرضلها كل يوم
و تهيألى مبيخلاش يوم الا لما بتسألهم
يا اما كلهم(ويبقى ربنا يعينك ويقوى صبرك)
او شوية منهم بس(وتبقى تحمد ربنا على اللى انت فيه)

ودى شوية أمثلة..............

أنت في أوضتك .. على السرير وطافي النور ومتغطي ...
يجي أخوك الظريف ويفتح الباب عليك ويقول : ايه يابني انت هتنام ولا ايه ؟
(( أظن ده مش وضع الرقص !!! واضح ان انا هنام ))

........................................

أنتم معزومين عند ناس ورحتو لبيتهم وأول ما فتحولكوا الباب يقول
ابنهم الصغير " انتوا جيتــوااااااااا ااااااا

(( لا لسه ))

........................................

أنت لابس هدومك و متأنتك و على سنجه عشره وريحة البارفان
واصله لاخر الشارع .. وخلاص بتفتح باب الشقه,, يجي حد من أهلك وينادي
بصوت عالي : انت خااااارج ولا اييييييييي يه

(( !!! لاء دانا لسه راجع ))

................................................

راكب العربيه ودورتها وخلاص هتطلع ... يجيلك لك البواب
ويخبطلك على الزجاج,, أنت بكل ذوق تفتح الزجاج وتقوله : خير في حاجه؟
يقولك : انت رايح الشغل يابيه ؟

(( لا العربيه واحشاني ))

................................................

ماسك مذكرة أو كتاب وقاعد تحفظ ومتحمس (أول مره بقى ) .. جه حد
وقالك :هاه قاعد تذاكر ؟
(( تقوم رامي الكتاب و تقوله لااااااااء ))

...............................................

ربنا هاديك كده ... ماسك سبحه و عمال تسبح ، يجي حد من البيت يعدي
عليك ويقول :هوه انت بتسبح
(( لاء هفرطها و أسلقها ))

.........................................

المذيعه الرخمه : وياترى بقى هتعملوا ايه العيد ده هتقضوه ازاي ؟
اكيد بيبقى زيارات الأهل و الصحاب و تخرجوا تشوفوا مظاهر العيد في
الشوارع و تفسحوا أولادكم ونتصل بالمعارف نعيد عليهم و نقولهم كل سنه
و انتوا طيبين

(( سبتيله ايه يقوله يارخمه ))

............................................

والأسخف بقى ... الشلل الكبير.. لما المذيعين يكلموا الاطفال
يقول المذيع للطفل : أنت تحب ماما وبابا !!!

(( يعني اساسي الواد لسه ما طلعلوش عرق الكره علشان يقول لأ )