(((&الغـــدر (خـــال) الجـــرح وأطيـــب (عمامــــه)&)))!!!
لا صرت بايعني اشوفك على خيــــر
مع السلامه .. دام ما به سلامـــــه !!
قلت : انتهينا ؟ قلت لك : خير ياطيــــر !
ماني باول شخص يخسر غرامـــه ..
محذرك من قبلها الف تحذيـــــر
لا عفتني بيعيف قلبي هيامــــه ؟؟
مانيب ميت لا ! ولا احتاج تبريــــــر ..
صح الله لسانك .. ووفر كلامـــه ..
بسمعك .. حبكه .. وفكره .. وتصويــــر ..
وافهم عدل يا مدعي بالفهامــــه
وجه الشعر (ابيص) ويحتاج تغييــــر
ودي تزين هالقصيده (علامــــه)
ماضيك (الاسود) بذكره دون تقصيـــر
كذا يكون بخد هالشعر .. (شامــــه !!)
يصدق معي تعبير .. ويخون تعبيـــر
ياضيعة الشاعر .. بوقت انسجامـــه !
يمكن خطا ادونك بالشعر ؟! ميــــر ..
لو ما احترمتك ؟ للغرام احترامــــه !!
ما كان حبك غير بس طعنتك غيــــر ..
علمتني معنى الندم والندامــــه ..
ماجاك مني اي زله وتقصيـــر ..
كل ما خطيت اعاتبك .. بابتسامـــــه ؟!
حسبي على الذكرى اذا هبت عصيــــر ..
ما عاد تنفع شرهتي والملامــــه ..
البال (ضامي) وقتها والحزن (بيــــر)
(خسرتك) وهمي (كسبت) اهتمامــــه!!
والليل فازع لك كذا !! جاني مغييــــر ...
ظلمتني واكثر ظلمني ظلامـــــه ..
لا اقبل علي اوحييت صوت المساييــــر ...
وفزيت كل ضيف اقوم بمقامــــه ..
وليا عزم هالليل (ضيقه وتفكيــــر !)
قلي بربك كيف بقدر انامــــه ؟؟
ما فيه داعي للعتب والمعاذيـــــر ..
الغدر (خال) الجرح واطيب (عمامــــه)!! ..
أما يجيب الله مطر .. تالي وخيـــر ؟
ولا السلامه ماش مامن سلامـــه !!
موضوع: (((&الغـــدر (خـــال) الجـــرح وأطيـــب (عمامــــه)&)))!!! 
الأربعاء مارس 04, 2009 5:38 pm